't Groet Mestreechs Dictee

Zoondag 2 aprèl 2017, um 11.00 oor -> Centre Céramique

Gouverneur Bovens sjrijf Groet Mestreechs Dictee 2017

vriedag 10 fibberwarie 2017 um 09:07 oor

Niemand minder daan gouverneur Theo Bovens is dit jaar de sjrijver vaan ’t Groet Mestreechs Dictee. Es ein vaan de naozaote vaan They Bovens, dee in de jaore ’80 'n groete verzameling Mestreechse leedsjes en veerskes oetbrach, dreug Theo Bovens 't Mestreechs dialect 'n werm hart touw.

Zowel privé es in zien wèrk es gouverneur sprik Bovens gere in 't Mestreechs. Ouch 't sjrieve vaan de Mestreechter Taol is häöm neet oonbekind. Zelf doog heer mierdere maole mèt aon ’t Groet Mestreechs Dictee en wón zelfs e paar kier de grópspries mèt de gróppe ‘Femilie Bovens’ en de Kapitein vaan Köpenick’.

Laot uuch verrasse door zienen teks op zoondag 2 aprèl aonstaonde en doeg mèt aon 't Groet Mestreechs Dictee!

Groet Mestreechs Dictee 2017 op zoondag 2 aprèl 2017

vriedag 2 december 2016 um 15:25 oor

D'n daotum veur 't Groet Mestreechs Dictee 2017 is bekind: zoondag 2 aprèl 2017. Wee geer geweend zeet in 't Centre Cèramique.

Dit jaor höbbe v'r 'ne bekinde Mestreechteneer bereid gevoonde d'n teks vaan 't dictee te sjrieve. Binnekort les g'r op dees website wee uuch koumend jaor op de pijnbaank geit lègke.