't Groet Mestreechs Dictee

Zoondag 2 aprèl 2017, um 11.00 oor -> Centre Céramique

Egidius Cratsborn wint Groet Mestreechs Dictee veur d'n derde kier

zoondag 2 aprèl 2017 um 16:51 oor


Molberevlaoj, makrönsjes, sjókkelaat, pièce montée.

Nein, dit is neet de bestèllies vaan de bekker bij uuch um d'n hook. Dit zien wäörd oet 't Groet Mestreechs Dictee 2017, gesjreve door Theo Bovens. Heer naom de deilnummers mèt in al dat lekkers dat de provincie Limbörg te beje heet en wat heer veurgesjoteld krijg. Lees hei de gansen teks.

D'n teks woort 't bèste gesjreve door Egidius Cratsborn (9 fout), dee daomèt veur d'n derde kier 't dictee wón. Patricia Paulussen en Gaby Gerritsen maakde alletwie 20 fout. Op basis vaan de ex aequo wäörd woort d'n 2de pries aon Patricia Paulussen oetgereik. Bij de gróppe wón de Vrun vaan Kaffee eus Mestreech.

Lees hei de gansen teks vaan 't Groet Mestreechs Dictee 2017.

Nog e paar daog!

vriedag 31 miert 2017 um 09:04 oor

Koumende zoondag is 't zoewied: 't Groet Mestreechs Dictee 2017

De höbs nog eve um d'ch veur te bereie. Dat kint mèt de spellingstips op eus website: www.mestreechsdictee.nl/spellingstips. Meh loer ouch ins op www.mestreechtertaol.nl. Dao vinste ouch hiel väöl informatie euver de spelling en grammatica vaan 't Mestreechs.

Veer starte um 11.00 oor. Zorg totste tösse 10.30 en 10.45 oor dao bis, nao 11.00 oor kinste neet mie nao binne.

Veer zien veerdeg deveur, hopelek diech ouch!

Tot zoondag 2 aprèl in 't Centre Céramique!